Was´r von mir griagat
Was des isch
Ihr sagad mr wo ihr Drhoim Muggagitter wellat ond i vrzähl eich was ond wie mr ebbes macha ko. Ond wenn i no scho do be no du i au glei gscheit messa ond gug was am beschta gohd.
Was des koscht
Wenn i no fertig verzählt ond gmessa hau no hogg i bei eich an dr Tisch no ond mach eich glei a Ogebot für des wasr wellat. En dem Ogebot stoht älles dren was mr braucht ond isch so gschriba das mr des au lesa ko.
Ausgmacht isch ausgmacht
Ois isch au klar, des was mr mitanander ausmacht gilt!
Wenn i zu eich komm zom ogugga om eich zom saga was des koscht, no brauchet dr do no nix zahle, wenn i natürlich an Kaffe kriaga dua no isch des au net schlecht.
S´no macha
Wenr wellat no mach i eich die Muggagitter au suabr ond schee no, so wia dr NEHER secht wie mr des macha soll. Sísch ja klar, das mr zom nomacha au a gscheits Material nemmt (Schraube dia net roschtat oder Bäbbbänder dia mr au bei de Auto nemmt).
Des zuig vrreggt eigentlich net
Uff dia Muggagitter geits femf Johr Garantie ond obadruff gibt’s no a Garantie das ebbr kommt wenn ebbes kaputt isch ond des dr Lebdagg. Des kriaget´r halt bei mir weil der NEHER mi zertifiziert hot, des hoist i mach des so wia der des oim vorschreibt ond net anders.
Ond wenn´s doch vrreggt
Wenn no doch a mol ebbes he got no isch des au net so schlemm. Muggagitter von NEHER di ko´mr uff älle Fäll richta, senn eire Gitter von ebr andersch no muß i gugga was mr macha ko. Normal gots scho.
Wenn´s raucht oder brennt, wird’s Zeit das mr zom Haus naus rennt
Ond damit mr des ko, mach i eich au Rauchmelder no. Am beschta isch mr braucht se gar net, abr droh han sodded dia scho, weil wemr schloft no riachd mr nix. Sísch au Vorschrift do woer schlofad ond do woer nauß sauet. Do benn i extra zwoimol uff Schul ganga damit es des au gscheit nochmache ko. Wenn´r ebbes wissa wellet no rufatr halt o, oder Ihr guggat mol em www. (wenn d´wartsch no woisch´s) onder:
