Übrigens: Rollos von Neher können jetzt auch mit dem fast unsichtbaren Transpatec-Gewebe ausgestattet werden.
Für dia Türa wo´s ins Gärtle (Krautload) oder uff dr Balkon (zom dr Ranza end Sonna hänga) naus gohd, gibt’s au an ganza Haufa onderschiedliche Muggagitter. Was ond wia mr´s macha ko kommt druff o wasr wellat ond wieviel Platz dromrom isch.
I werd eich scho ebbas bassends fenda.
Ob naußwärts odr neiwärts do muß mr hald gugga was gohd. Do geits so viel Sacha uff dia mr aufbassa muaß, ob Rolläda, ob Klappläda, wia dromrom dr Platz isch ond so weidr ond so fort.
Mehr Infos zu Drehrahmen.
Des isch´s beschte seid´s Muggagitter gibt, do isch grad egal von wo de kommsch, do sausch oifach durch ond dui Türa goht hendr dir selbr zua. Des isch natürlich saumäßig praktisch vorällem bei de Jonge, mr keht ja manchmol moina dia hend Säck vor de Türa. Do kosch hondert mol saga „Mach dui Tür zua“. Jetzt brauchdr eich nemma uffrega, machet so Türa nei ond Ihr schonad eire Nerva.
Mehr Infos zu Pendeltüren.
Bei ganz große Löchr odr wenn zwenig Platz uff´m Balkon isch no macht mr au älls a´mol a Schiebtür no. Do ko mr scho granadamäßig große Doil macha, ohne dass dia Dengr globig ond obacha ausehad, do hemr scheene ond gschmagge Profil.
Mehr Infos zu Schiebeflügel.
Etz han i eich scho soviel zoigt, ond manchmol gohts mit dene andre Doil oifach net. Des Plisse isch so a´Zwischadeng aus Schiebtüra ond Rollo. Wemr´s net braucht no ko mr´s uff´d Seite schiaba ond´s isch weg, braucht mr´s, isch´s do. S´beschte isch, das mr onda koi Schtolberfall hot weil dui Scheena onda bloß fenf Milllimeter hot, do braucht mr Füaß gar et so weit lupfa.
Des isch natürlich bsonders für dia Leit dia nemme so guat zu Fuaß send odr für Rollstuhlfahrer wichtig.
Mehr Infos zu Plissee.
Em Grond gnomma isch des wia a´Plissee, do hosch halt onda a´greßera Scheena. Des Muggagitter isch do natürlich no wenigr zom seha weils koine Falda hot, do kos au sei das mr mol neisaut.
Mehr Infos zu Rollos.
Do druggsch uffs Knöpfle ond des Muggagitter saut nauf oder wiedr nondr, ond des au no suamäßig schnell. Seggldomm isch natürlich bloß wen dui Fernbedienung nemme fendsch.
Mehr Infos zu Elektrorollos.
